ՌԴ ԶՈւ-ն խմբային հարված է հասցրել Կիևի ռազմարդյունաբերական համալիրի ձեռնարկություններին

ՌԴ ԶՈւ-ն բարձր ճշգրտության զենքով խմբային հարված է հասցրել Ուկրաինայի ռազմարդյունաբերական համալիրի և վառելիքային ենթակառուցվածքների ձեռնարկություններին։ Այս մասին հայտնել է ՌԴ ՊՆ-ն։

«Այսօր երեկոյան Ռուսաստանի զինված ուժերը օդային և ծովային տեղակայման մեծ հեռահարություն ունեցող բարձր ճշգրտության զենքով և հարվածային անօդաչու թռչող սարքերով խմբային հարված են հասցրել Ուկրաինայի ռազմարդյունաբերական համալիրի և վառելիքային ենթակառուցվածքների ձեռնարկություններին, որոնք օգտագործվում են Ուկրաինայի զինված ուժերի շահերի օգտին», - ասվում է հաղորդագրության մեջ։

Ռուսաստանի պաշտպանության նախարարությունից հավելել են, որ հարվածի նպատակին հասել են, բոլոր նախանշված օբյեկտները խոցվել են։