Տեխասում ավերիչ ջրհեղեղի հետևանքով զոհերի թիվը հասել է 50-ի

ԱՄՆ Տեխաս նահանգում տեղի ունեցած ջրհեղեղների զոհերի թիվը գերազանցել է 50-ը, այդ թվում կա15 երեխա։ Այս մասին հաղորդում են ամերիկյան լրատվամիջոցները։

ԱՄՆ ներքին անվտանգության նախարար Քրիստի Նոեմը ժամանել է տուժած տարածք։

Ավելի վաղ արտակարգ դրություն էր հայտարարվել Տեխասի մի քանի շրջաններում. շատ ճանապարհներ ավերվել էին, հեռախոսագծերը չէին աշխատում։

ԱՄՆ Ազգային օդերևութաբանական ծառայությունը X սոցիալական ցանցում հայտնել է, որ Տեխասի Քեր շրջանի մի քանի քաղաքներում արտակարգ դրություն է հայտարարվում կայծակնային ջրհեղեղի պատճառով։

Ըստ լրատվամիջոցների հաղորդագրությունների՝ տարածաշրջանում կես միլիոնից ավելի մարդ գտնվում է ջրհեղեղի վտանգի տակ։

Տեխասի նահանգապետ Գրեգ Էբբոտը հայտարարել է, որ նահանգային իշխանությունները գործի են դնում բոլոր հասանելի ռեսուրսները, այդ թվում՝ Ազգային գվարդիան, «ավերիչ ջրհեղեղի» դեմ պայքարելու համար։