Աբբաս Արաղչին հայտարարել է միջուկային հարցի շուրջ բանակցելու Իրանի պատրաստակամության մասին

Իրանը պատրաստ է վերադառնալ միջուկային հարցի շուրջ բանակցություններին՝ պայմանով, որ Իսրայելը դադարեցնի հարվածները իր տարածքի ուղղությամբ։ Այս մասին հայտարարել է Իրանի արտաքին գործերի նախարար Աբբաս Արաղչին։

«Դիվանագիտությունն աշխատել է անցյալում և կարող է աշխատել ապագայում։ Բայց ագրեսիան պետք է դադարեցվի, որպեսզի մենք կարողանանք վերադառնալ դիվանագիտությանը», - նշել է նա։

Հղում անելով Reuters-ի տեղեկություններին՝ հաղորդվում է, որ ԱՄՆ հատուկ ներկայացուցիչ Սթիվ Ուիթկոֆը և Աբբաս Արաղչին մի քանի անգամ շփվել են հեռախոսով՝ Մերձավոր Արևելքում հակամարտության սրումից ի վեր։ Գործակալության աղբյուրների փոխանցմամբ՝ Արաղչին հայտարարել է, որ Թեհրանը չի վերսկսի բանակցությունները, քանի դեռ Իսրայելը շարունակում է ռազմական հարվածները Իրանի տարածքում։