Հայտնի է՝ երբ կհրապարակվի Արտուշ Գաբրիելյանի կալանավորման դեմ բողոքի հարցով որոշումը

Երևանի ընդհանուր իրավասության քրեական դատարանի՝ լիազորությունները կասեցված դատավոր Արտուշ Գաբրիելյանի կալանավորման  դեմ վերաքննիչ բողոքի վերաբերյալ որոշումը կհրապարակվի մայիսի 26-ին։ Բողոքը մակագրվել է դատավոր Կարեն Ամիրյանին։ Այս մասին «Փաստինֆո»-ն տեղեկանում է փաստաբան Էրիկ Ալեքսանյանից։ 

Ինչպես արդեն տեղեկացրել ենք՝ քրեական գործը, որով քրեական հետապնդում է իրականացվում դատավոր Արտուշ Գաբրիելյանի նկատմամբ՝ վերաբերում է կաշառք ստանալուն։ Քրեական գործի համաձայն՝ դատավորը կաշառք է պահանջել և ստացել՝ հօգուտ մեղադրյալի դատավարությունը ձգձգելու և հետագայում վաղեմության ժամկետներն անցած լինելու հիմքով կարճելու համար։ Քրեական գործով կալանավորվել են Արտուշ Գաբրիելյանը, նրա օգնականը և ենթադրաբար կաշառք տվող անձը։ Արտուշ Գաբրիելյանը մեղադրանքը չի ընդունում։ 

Նյութն ամբողջությամբ՝ սկզբնաղբյուր կայքում: