Մյանմայում 5,1 մագնիտուդ ուժգնությամբ հետցնցում է տեղի ունեցել

ԱՄՆ Երկրաբանական ծառայությունը (USGS) հայտնել է, որ 5,1 մագնիտուդով ստորգետնյա ցնցում է տեղի ունեցել Մանդալայից 28 կմ հյուսիսարևմուտք գտնվող Մատտարա քաղաքում, որը վերջինն է ուրբաթ օրվա ավերիչ երկրաշարժից հետո տեղի ունեցած հետցնցումների շարքում:

Կիրակի օրը մարդիկ բղավել են փողոցներում, երբ 5,1 մագնիտուդով երկրաշարժ է տեղի ունեցել ժամը 15:38-ին, սակայն դրան հաջորդած ավերածությունների մասին  տեղեկություններ չեն ստացվել, հաղորդում է Associated Press-ը:

Ուրբաթ կեսօրին մոտ 7,7 մագնիտուդով երկրաշարժ է տեղի ունեցել, որի էպիկենտրոնը Մյանմայի մեծությամբ երկրորդ քաղաքի՝ Մանդալայի մոտ է եղել, ավերվել են բազմաթիվ շենքեր, վնասվել են այլ ենթակառուցվածքներ, այդ թվում՝ քաղաքի օդանավակայանը:

Մանդալայի 1,5 միլիոն բնակիչներից շատերը վերջին երկու գիշերներն անցկացրել են փողոցներում՝ երկրաշարժի հետևանքով անօթևան մնալով կամ վախենալով, որ շարունակվող հետցնցումները կարող են շենքերի փլուզման պատճառ դառնալ: