«Բարդակ»՝ Շիրակի պետհամալսարանի խորհրդում. Թռչունյանն այնտեղ դեռ փոխնախարար է

Yerkir.am-ը պարզել է, որ Շիրակի պետական համալսարանի խորհրդում ընդգրկված է ՀՀ ԿԳՄՍ նախարարի տեղակալ Կարեն Թռչունյանը: 

Թռչունյանին խորհրդի կազմում առաջադրել է վարչապետը: Ըստ գործող կարգի` ՀՀ վարչապետը ՀՀ բուհերի խորհուրդների կազմում առաջադրում է անդամներ պետական պաշտոն և պետական ծառայության պաշտոն զբաղեցնող անձանցից:

Սակայն աբսուրդն այն է, որ Կարեն Թռչունյանը ԿԳՄՍ նախարարի տեղակալի պաշտոնից ազատվել է 2023 թ. հունվարին, Ժաննա Անդրեասյանի նախարար դառնալուց անմիջապես հետո:

Սակայն սա դեռ վերջը չէ: Խորհրդի անդամներից ՍԱՏՄ ղեկավարի նախկին տեղակալ Արթուր Շատվորյանն աշխատանքից ազատվել է 2023 թ. մարտին: 

Խորհրդի անդամ Գյումրի համայնքի ղեկավարի տեղակալ Արթուր Պապիկյանը ևս չի պաշտոնավարում:

Թերևս բարեկաման խորհուրդ տիկին Ժաննային. ակադեմիական քաղաքը կառուցելուց առաջ գոնե կարգի բերեք ձեր փաստաթղթերն ու ձևավորեք բուհական նորմալ խորհուրդներ:

Վ. Սարգսյան