Սրանք թուրքական բազարի են վերածել տրանսպորտի գինը, պետք է բոյկոտը շարունակել․ Անդրանիկ Թևանյան

Երևանի ավագանու «Մայր Հայաստան» խմբակցությւնն ու դաշինքի ղեկավար Անդրանիկ Թևանյանը այսօր վաղ առավոտից շարունակում են 150 դրամ ուղեվարձը բոյկոտելու ու չվճարելու իրազեկումը:  Մինչ այդ, Անդրանիկ Թևանյանը լրագրողների հետ ճեպազրույցի ժամանակ հիշեցրեց, որ 17.000 քաղաքացիների ստորագրություն են հավաքել, ունեն նախագիծ, որի համաձայն չպետք է ուղեվարձը լինել 100 դրամից թանկ.  «Քանի դեռ այդ նախագիծը չի ներկայացվել ավագանու նիստին, իրավունք չունեին թանկացնել»:
 

Նրա խոսքով՝ 150 դրամ վճարողները ավելի են ծանրացնում այն քաղաքացիների վիճակը, որոնք սոցիալապես անապահով են և  չեն կարողանում վճարել. «Սա քաղաքացիական համերաշխության, սոցիալական ակցիա է: Մենք՝ բողոքելով այս թանկացման դեմ, հնարավորություն ենք տալիս մեր համաքաղաքացիներին թեթևացնել իրենց սոցիալական բեռը»,-ասաց Անդրանիկ Թևանյանը։
 

Մանրամասն՝ տեսանյութում։