Քաոս` էկոնոմիկայի նախարարությունում. նախարարը մի թիվ է ասում, փոխնախարարը` մեկ այլ

Այսօր կայացած մամլո ասուլիսում էկոնոմիկայի նախարար Գևորգ Պապոյանը նշել է, որ 2023թ. հանրապետությունում մթերվել է 160.000 տոննա խաղող:

Yerkir.am-ը հիշեցնում է՝ օգոստոս ամսին նույն ցուցանիշին անդրադառնալիս Պապոյանի տեղակալ Արման Խոջոյանը նշել է 170.000 թիվը: Մնում է հասկանալ, թե նույն շենքում և գերատեսչությունում աշխատող երկու բարձրաստիճան պաշտոնյաների մոտ ինչպես է խաղողի մթերման ծավալը 10.000 տոննայով տարբերվում:

Դե, լրագրողների վրա գոռգոռացող, չափազանց ինքնավստահ նախարարը հավանաբար վերստին կսկսի իր ավանդական «հերքումները»։ Հուսով ենք, այս անգամ վերջինս ու իր մամուլի խոսնակը կանեն դա քաղաքակիրթ եղանակով, այլ ոչ լրատվամիջոցներին պիտակավորելով։