ՌԴ ԶՈ-ն վերահսկողության տակ է վերցրել Խարկովի մարզի 2 գյուղ և 4 բնակավայր ԴԺՀ-ում. ՊՆ

Ռուս զինվորականները հարձակողական գործողությունների արդյունքում վերահսկողության տակ են վերցրել Խարկովի մարզի Զագրիզովո և Լոզովայա բնակավայրերը, ինչպես նաև ազատագրել են Դոնեցկի Ժողովրդական Հանրապետության Իվանովկա, Ստորժևոյե, Կրասնոյե և Նովի Տրուդ բնակավայրերը։ Այս մասին հաղորդել է Ռուսաստանի պաշտպանության նախարարությունը:

ՌԴ ԶՈւ-ն խոցել է Ուկրաինայի զինված ուժերի 4 մեքենայացված, գրոհային, աերոմոբիլային, օդադեսանտային բրիգադների և տարածքային պաշտպանության 2 բրիգադների կենդանի ուժն ու տեխնիկան։

Գերատեսչությունում նշել են, որ հետ են մղվել Ուկրաինայի զինված ուժերի գրոհային խմբերի հակագրոհները։

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։