Մեսրոպ Մեսրոպյանը՝ ՀԾԿՀ նախագահի, Ալեքսանդր Սիրունյանը ԲԴԽ անդամի թեկնածու

Նոյեմբերի 5-ին կայացած «Քաղաքացիական պայմանագիր» կուսակցության վարչության նիստում որոշել են՝ կառավարությանն առաջարկել քննարկել Մեսրոպ Մեսրոպյանի թեկնածությունը՝ որպես ՀԾԿՀ նախագահի թեկնածու և ԱԺ ՔՊ խմբակցությանն առաջարկել քննարկել Ալեքսանդր Սիրունյանի թեկնածությունը՝ որպես ԲԴԽ անդամի թեկնածու։

Նշենք, որ Հանրային ծառայությունները կարգավորող հանձնաժողովի ղեկավարի պաշտոնը թափուր է հոկտեմբերի 10-ից, երբ Գարեգին Բաղրամյանը աշխատանքից ազատման դիմում է գրել։ Նա հանձնաժողովի նախագահի պաշտոնը զբաղեցնում էր 2019 թ.-ից: Բաղրամյանն առանց մանրամասների միայն հաստատել էր՝ իր հրաժարականի որոշումը կապ ունի էներգետիկ խնդիրների հետ։

Ալեքսանր Սիրունյանը փաստաբան է։ Նրա անունն ավելի վաղ շրջանառվում էր արդարադատության նախարարի պաշտոնի համար։