Չինաստանն ԱՄՆ-ին կոչ է արել գիտակցել Թայվանին զինելու լուրջ հետևանքները

ԱՄՆ-ը պետք է հասկանա, որ Թայվանին զենք մատակարարելը չափազանց լուրջ հետեւանքներ կունենա։ Այս մասին ճեպազրույցում հայտարարել է ՉԺՀ պաշտպանության նախարարության պաշտոնական ներկայացուցիչ Չժան Սյաոգանգը՝ մեկնաբանելով կղզի մոտ 2 մլրդ դոլար արժողությամբ ամերիկյան զենքի հնարավոր մատակարարումների մասին հաղորդագրությունները:

«Թայվանի խնդիրը Չինաստանի հիմնական շահերից ամենակարևորն է, և դա չին-ամերիկյան հարաբերությունների առաջին կարմիր գիծն է, որը չի կարելի հատել», - ասել է նա: «Չինաստանը կոչ է անում Միացյալ Նահանգներին իսկապես հասկանալ Թայվանին զինելու լուրջ հետևանքները և ինչ կլինի, եթե նա ինքնուրույն խնդիրներ փնտրի»: Վաշինգտոնը «չպետք է շարունակի սխալ ճանապարհը», - հավելել է պաշտոնյան:

Ըստ Չժան Սյաոգանգի՝ «ԱՄՆ-ն ծծում է թայվանցիների արյունը՝ սեփական ռազմաարդյունաբերական համալիրը պարարտացնելու համար»։

Ինչպես ավելի վաղ հայտնել էր ԱՄՆ պաշտպանության նախարարության Անվտանգության համագործակցության գործակալությունը, Պետդեպարտամենտը հավանություն է տվել NASAMS հակաօդային պաշտպանության համակարգի և ռադիոտեղորոշիչ կայանների հնարավոր վաճառքին Թայվանին գրեթե 2 միլիարդ դոլարով։