Ագրարայինի հոգաբարձուների խորհուրդը շուրջ մեկ ամիս է չի արձագանքում կոլեկտիվի պահանջին

Ագրարային համալսարանի աշխատակիցներ Դանիել Պետրոսյանը, Գվիդոն Մատինյանը, Պարույր էֆենդյանը օգոստոսի 16-ին դիմել էին ռեկտորի պարտականությունները կատարող Հ. Զաքոյանին՝ ռեկտորատի և գիտական խորհրդի համատեղ ընդլայնված նիստ անցկացնելու պահանջով: Պահանջը մինչ օրս մնացել է անարձագանք, և համալսարանի ղեկավարության կողմից երկրորդ մասնաշենքը Հայաստանում ֆրանսիական համալսարանին հանձնելու լուրերի վերաբերյալ որևէ հոդաբաշխ բացատրություն չի տրվել:

Աշխատակիցները, հաշվի առնելով համալսարանի ներկայիս ղեկավարության անգործությունը, օգոստոսի 30-ին դիմել էին համալսարանի կառավարման բարձրագույն մարմնի` հոգաբարձուների խորհրդի նախագահ Արման Խոջոյանին և խորհրդի անդամներին անհապաղ նիստ հրավիրելու և հարցը քննարկելու առաջարկությամբ:

Սակայն Yerkir.am-ին հայտնի դարձավ, որ հոգաբարձուների խորհուրդը ևս Խոջոյանի գլխավորությամբ կոլեկտիվի առաջարկը թողել է անարձագանք: