Ագրարայինի ղեկավարությունը տապալեց նաև ուսումնարաններից ու քոլեջներից առանց քննության ընդունելությունը

Բուհերի միասնական քննություններից հետո, հաշվի առնելով ագրարային համալսարանի անմխիթար վիճակը, ԿԳՄՍ նախարարությունը հնարավորություն էր տվել ագրարայինին 2 մասնագիտությունների՝ «Անասնաբուժություն» և «Ճշգրիտ գյուղատնտեսություն», գծով արհեստագործական ուսումնարաններից ու քոլեջներից առանց քննությունների ու առաջադիմությունը հաշվի առնելու ընդունել ուսանողներ: Ընդհանուր առմամբ հատկացվել էր 85 տեղ: Սակայն ինպես ցանկացած գործընթաց, այս մեկը նույնպես ագրարային համալսարանի ղեկավարությունը կազմակերպեց աննախադեպ:

Yerkir.am-ի տեղեկություններով 85 տեղից թափուր է մնացել 58-ը: Փաստաթղթերի ընդունման համար հատկացված էր 1 ամիս: Ռեկտորի պարտականությունները կատարող Հ. Զաքոյանը, օգտագործելով իր ողջ հմայքը, բոլոր միջոցներով փորձեց ներգրավել դիմորդներ, սակայն տապալեց նաև այս գործընթացը: Ի դեպ, երեկ Զաքոյանը հպարտությամբ խոսել է համալսարանի քոլեջների ընդունելության ձեռքբերումների մասին, երևի մոռանալով, որ ինքը ՀԱՄԱԼՍԱՐԱՆԻ ռեկտորի, այլ ոչ թե քոլեջի կամ ուսումնարանի տնօրենի պարտականությունները կատարող է: