Կհրավիրվի՞ արդյոք ագրարային համալսարանի հոգաբարձուների խորհրդի նիստ, թե՞ ոչ

Ինչպես արդեն նշել էր Yerkir.am-ը, ագրարային համալսարանի աշխատակիցներ Դանիել Պետրոսյանը, Գվիդոն Մատինյանը, Պարույր էֆենդյանը օգոստոսի 16-ին դիմել էին ռեկտորի պարտականությունները կատարող Հ. Զաքոյանին՝ ռեկտորատի և գիտական խորհրդի համատեղ ընդլայնված նիստ անցկացնելու պահանջով: Պահանջը մինչ օրս մնացել է անարձագանք, և համալսարանի ղեկավարության կողմից երկրորդ մասնաշենքը Հայաստանում ֆրանսիական համալսարանին հանձնելու լուրերի վերաբերյալ որևէ հոդաբաշխ բացատրություն չի տրվել: Աշխատակիցները, հաշվի առնելով համալսարանի ներկայիս ղեկավարության անգործությունը, դիմել են համալսարանի կառավարման բարձրագույն մարմնի` հոգաբարձուների խորհրդի նախագահ Արման Խոջոյանին և խորհրդի անդամներին անհապաղ նիստ հրավիրելու և հարցը քննարկելու առաջարկությամբ: