Մենք չենք նահանջելու, նահանջը մահ է․ Բագրատ Սրբազանը հանդիպել է Ներքին Հանդի բնակիչներին

Բագրատ Սրբազանը Ներքին Հանդում հանդիպել է գյուղի բնակիչների հետ:

«Այս պայքարը չընդհատվող և հաղթանակ ունեցող պայքար է։ Այս շարժումը հենց այնպես դուրս չի եկել աշխարհի վրա, մենք այսօր կռվում ենք չարիքի դեմ, դժբախտություն մահ բերողի դեմ, որը մարդկանց կյանքերը դժբախտացրել է և մեր երկիր մահ է բերել թե՛ իր ներկայությամբ, թե՛ որպես կառավարիչ, և հետևաբար չի կարող ո՛չ ընդհատվել, ո՛չ էլ վերջանալ», - բնակիչների հետ զրույցում ասաց Բագրատ Սրբազանը։

Սրբազանը հիշեցրեց, որ նախորդ օրը Մեղրիում բնակիչներն անընդհատ իրեն ասում էին՝ հանկարծ չնահանջեք, և Սրբազանը կրկին վերահաստատեց, որ չեն նահանջելու՝ նշելով, որ նահանջը նշանակում է մահ ու վերջ մեր երկրին։

Հիշեցնենք՝ Բագրատ Սրբազանի այցը Սյունիք մեկնարկել է ուրբաթ առավոտյան: Նա առաջիկա երկու օրերին լինելու է Սյունիքում, այցելելու է սահմանամերձ տարբեր համայնքներ։

Մանրամասն՝ տեսանյութում։