Հայաստանը դեռևս չի արձագանքել միջգերատեսչական խորհրդատվությունների վերաբերյալ Ռուսաստանի առաջարկին․ Զախարովա

«Հայաստանը դեռևս չի պատասխանել Ռուսաստանի Դաշնության առաջարկին՝ Երևանի «մտահոգությունները» լուծելու համար միջգերատեսչական խորհրդակցություններ անցկացնելու վերաբերյալ», - ասաց ՌԴ ԱԳՆ խոսնակ Մարիա Զախարովան, փոխանցում է ТАСС-ը

«Նախկինում մենք հայ դաշնակիցներին հրավիրել ենք միջգերատեսչական խորհրդակցություններ անցկացնել՝ առարկայական քննարկելու և նրանց մտահոգությունները լուծելու նպատակով։ Դեռ պատասխան չկա, գուցե հայտնվի, գուցե հենց հիմա հայտնվի, դեռ չեն արձագանքել այս նախաձեռնությանը»,- ասաց նա։

Վերջին շրջանում Հայաստանի իշխանությունները բազմիցս քննադատական ​​հայտարարություններ են արել Ռուսաստանի հասցեին։ Ինչպես նաև Երևանը բաց է թողել որոշ ինտեգրացիոն ձևաչափերի հանդիպումները։ Մասնավորապես, երկրի վարչապետ Նիկոլ Փաշինյանը չի մասնակցել Մինսկում ՀԱՊԿ գագաթնաժողովին, ինչպես նաև հայտարարել է, որ հանրապետությունը դադարեցրել է մասնակցությունն այս կազմակերպությանը։