Ինձ հետ կատարվողը քաղաքական հետապնդում է. Լևոն Քոչարյան

Իմ դեմ քաղաքական հետապնդում է իրականացվում՝ ընդդիմադիր գործունեությանս խոչընդոտելու նպատակով։ Այս մասին գրել է ԱԺ «Հայաստան» խմբակցության պատգամավոր Լևոն Քոչարյանը՝ անդրադառնալով իր գործով այսօր կայացած դատական նիստին։

«Փորձ է արվում մարդկանց համոզել, որ նրանք սկսեն չհավատալ սեփական աչքերին։ Սրանք չեն հասկանում, որ մարդիկ տեսնում են ամեն ինչ ու հասկանում են, որ տեղի ունեցողը ծաղր է թե՛ արդարդատության, թե՛ իրավունքի, թե՛ տղամարդկության, թե՛ բարոյականության նկատմամբ։ Այսօրվա դատական նիստը հերթական անգամ փաստեց, որ ինձ հետ կատարվողը քաղաքական հետապնդում է, միտված խոչընդոտելու իմ քաղաքական ընդդիմադիր գործունեությանը»,- գրել է Քոչարյանը: