783 մլն դոլար նոր արտաքին պարտք՝ ճանապարհներ սարքելու և աշխատավարձեր տալու համար. Նաիրի Հոխիկյան

«2024 թվականին Նիկոլ Փաշինյանը նախատեսում է առնվազն 783 մլն դոլար նոր արտաքին պարտք վերցնել՝ ճանապարհներ սարքելու և աշխատավարձեր տալու համար», - գրում է մեդիափորձագետ Նաիրի Հոխիկյանը։

«Այս տարվա պետբյուջեի դեֆիցիտը գերազանցելու է 1,2 մլրդ դոլարը, որի մեծ մասը կրկին պարտքով է փակվելու։ Ի դեպ, պատահական չեմ ասում ասֆալտ անելու և աշխատավարձ տալու մասին։ Բյուջեի 2024-ի տվյալներում նշված է՝ արտաքին պարտքերը վերցնելու են 330.1 մլն դոլարը նպատակային վարկային ծրագրերի, իսկ 452.7 մլն դոլարը՝ բյուջետային աջակցության վարկերի գծով:

Կառավարությունը նաև որոշել է, թե ումից ինչքան պարտք է վերցնելու․

• 100 մլն դոլար Վերակառուցման և Զարգացման Միջազգային Բանկից,
• 100 մլն դոլար Կայունացման և Զարգացման Եվրասիական Հիմնադրամից,
• 50 մլն դոլար Ասիական Զարգացման Բանկից,
• 50 մլն եվրո Զարգացման Ֆրանսիական Գործակալությունից,
• 150 մլն ԱՄՆ դոլար՝ այլ աղբյուրներից:

Ներքևի աղյուսակը պաշտոնական է, վերցված է ՀՀ կառավարությունից և ցույց է տալիս, թե Հայաստանի պարտատերերից որ մեկը ինչքան տոկոս ունի»։