Բորելը ԵՄ ԱԳ նախարարների հետ կքննարկի Ուկրաինայի անվտանգության երաշխիքները

ԵՄ դիվանագիտության ղեկավար Ժոզեպ Բորելը հայտարարել է, որ մտադիր է երկուշաբթի օրը միության երկրների արտգործնախարարների հանդիպմանը քննարկել Ուկրաինայի անվտանգության երաշխիքների հետ կապված իրավիճակը, որը նա մտադիր է ներկայացնել այս շաբաթ ԵՄ գագաթնաժողովում, փոխանցում է РИА Новости-ին։

«Մենք կներկայացնենք Ուկրաինայի անվտանգության պարտավորությունների շուրջ իրավիճակը, որը ես պետք է ներկայացնեմ Եվրոպական խորհրդին այս շաբաթվա վերջ։ Նախարարները կքննարկեն, թե ինչպես պետք է գործենք՝ ուժեղացնելու մեր աջակցությունը», - ասել է Բորելը:

Նա պարզաբանել է, որ իր գրասենյակի ներկայացուցիչները նախկինում մեկնել են Կիև, որտեղ իրենց առաջարկներն են ներկայացրել Ուկրաինայի ղեկավարությանը։

«Այժմ եկել է ժամանակը, որպեսզի ներդնենք մեր բոլոր հնարավորությունները՝ օգնելու Ուկրաինային»,- հավելել է նա։