Հայաստանից վերջին երկու օրերին 90 ավտոբուս է մեկնել Ստեփանակերտ ու վերադարձել՝ տեղափոխելով բռնի տեղահանվածներին

Հայաստանից վերջին 2 օրերին շուրջ 90 ավտոբուս է մեկնել Ստեփանակերտ և տեղափոխել բռնի տեղահանված 2900 անձի: Այս մասին «Հումանիտար կենտրոն»-ում ասուլիսում հայտարարեց ՀՀ վարչապետի մամուլի քարտուղար Նազելի Բաղդասարյանը:

«Նախօրեին արդեն Գորիսից Ստեփանակերտ մեկնած ավտոբուսները կեսգիշերից հետո վերադարձել են: Վերջին երկու օրերի ընթացքում շուրջ 90 ավտոբուս է մեկնել Ստեփանակերտ և վերադարձել, որի արդյունքում 2900 անձ տեղափոխվել են Գորիսի կամ Վայքի կենտրոններ»,-ասաց մամուլի քարտուղարը:

Բաղդասարյանի խոսքով՝ տեղափոխված այդ անձինք հիմնականում եղել են ծերեր, խոցելի խավի ներկայացուցիչներ, և այս մարդկանց հոգածությունն առավել կարևոր է պետության համար: