Տեղում զինված ընդհարման արդյունքում խախտվել են համայնքի բնակիչների հիմնարար իրավունքներ. ՄԻՊ

ՀՀ մարդու իրավունքների պաշտպան Անահիտ Մանասյանն ընդունել  է Եվրոպայի խորհրդի Մարդու իրավունքների և իրավունքի գերակայության գլխավոր տնօրինության, Թրանսվերսալ մարտահրավերների և բազմակողմ ծրագրերի իրականացման վարչության ղեկավար Տիգրան Կարապետյանի գլխավորած պատվիրակությանը: Այս մասին հայտնում են ՄԻՊ գրասեյակից։ 

Պաշտպանն իր խոսքում անդրադարձել է սույն թվականի ապրիլի 14-ին  Սյունիքի մարզի Տեղ համայնք իրականացրած այցին, որի նպատակը տեղում իրադրությանը ծանոթանալն ու փաստահավաք աշխատանքների իրականացումն էր։

Պաշտպանը նաև ընդգծել է, որ զինված ընդհարման արդյունքում խախտվել են համայնքի բնակիչների այնպիսի հիմնարար և անքակտելի իրավունքներ, ինչպիսիք են կյանքի, ֆիզիկական և հոգեկան անձեռնմխելիության, կրթության, ազատ տեղաշարժվելու, սեփականության իրավունքները: