Ռուսական զորքերը մտել են Սևերոդոնեցկ և ամրացել Լիմանում

Դոնբասի համար կատաղի մարտը շարունակվում է. ռուսները մտել են Սևերոդոնեցկի ծայրամասեր և ամրացել են Լիմանում։ Այս մասին հայտնում է Ուկրաինայի ՆԳՆ գլխավոր վարչության մամուլի ծառայությունը Facebook-ում մայիսի 30-ի ժամը 06:00-ի դրությամբ։

«Լիմանի ուղղությամբ՝ հակառակորդը ամրացել է Լիման գյուղում, վերախմբավորվում է Սլավյանսկի վրա հետագա հարձակման համար։

Սեւերոդոնեցկի ուղղությամբ՝ հակառակորդը ամրացել է Սեւերոդոնեցկ քաղաքի հյուսիսարեւելյան եւ հարավարեւելյան ծայրամասերում։ Զորքերի խմբավորումն ուժեղացնելու նպատակով Ռուսաստանի Դաշնության տարածքից որոշակի զինամթերք և տեխնիկա է տեղափոխվել այդտեղ»,- ասվում է հաղորդագրության մեջ։

Լուգանսկի շրջանային ռազմական վարչակազմի ղեկավար Սերգեյ Գայդայը նույնպես Telegram-ի իր էջում հայտնել է Սեւերոդոնեցկում տիրող իրավիճակի մասին։