Արծվիկ Մինասյանը շահեց դատը․ վերացվելու են բոլոր վարույթները, որ կիրառվել են ռազմական դրության պայմաններում հավաքներ անցկացնելու արգելքը խախտելու համար

Մոտ երկու տարի շարունակվող դատավարությունը Վարչական դատարանում, որը քննում էր ԱԺ «Հայաստան» խմբակցության պատգամավորներ Արծվիկ Մինասյանի և Արթուր Ղազինյանի  բողոքը Ռազմական դրության պայմաններում հավաքներ անցկացնելու և տարբերվող կարծիքներ հրապարակելու կառավարության որոշման դեմ, ավարտվեց պատգամավորների հաղթանակով՝ հայտնում է Yerkir.am-ը։

Դատարանը որոշեց, որ ընդդիմադիր պատգամավորները ճիշտ են, իսկ կառավարությունը գործել է ապօրինի։

Հաղթանակի արդյունքն այն է լինելու, որ բոլոր վարույթները, որոշումները, որ կիրառվել են այդ արգելքը խախտող անձանց նկատմամբ, վերացվելու են, իսկ տուգանված անձինք ազատ են փոխհատուցում պահանջելու։

Աննա Բալյան