Կիեւը խափանել Է Ռուսաստանի կողմից հայտարարված «Ազովստալի» մարդասիրական գործողությունը. ՌԴ ՊՆ

Կիեւի իշխանությունները խափանել են Ռուսաստանի կողմից հայտարարված մարդասիրական գործողությունը՝ «Ազովստալ» մետալուրգիական կոմբինատի տարածքից քաղաքացիների տարհանման համար: Այս մասին հայտարարել է Ռուսաստանի Դաշնության պաշտպանության վարչության ազգային կենտրոնի պետ, գեներալ-գնդապետ Միխայիլ Միզինցեւը։

Միզինցևը հիշեցրել է, որ ռուսական զինված ուժերն ապրիլի 20-ին Մոսկվայի ժամանակով ժամը 14:00-ից մարդասիրական միջանցք են բացել Մարիուպոլի «Ազովստալ» գործարանի տարածքից խաղաղ բնակչությանը տարհանելու համար, ինչպես նաև առաջարկել են ԶՈՒ զինծառայողներին վայր դնել զենքը և ինքնակամ հանձնվել գերության:

«Ստիպված ենք արձանագրել, որ Կիեւի իշխանությունների կողմից հայտարարված մարդասիրական գործողությունը ցինիկաբար խափանվել է, նշված միջանցքից ոչ ոք չի օգտվել», — հայտարարել է Միզինցեւը:

Նա եզրափակել է, ասելով, որ Կիևի իշխանություններն անտեսել են ռուսական նախաձեռնությունները՝ դրանով իսկ անմարդկային վերաբերմունք ցուցաբերելով ուկրաինացի զինվորականների նկատմամբ։