Աշխարհը պատասխանատվություն է կրում. Զելենսկին՝ ՆԱՏՕ-ի՝ Ուկրաինայի երկինքը չփակելու մասին

Ուկրաինան իրավական պահանջներ չունի ՆԱՏՕ-ի կողմից երկրի երկինքը փակելուց հրաժարվելու վերաբերյալ, սակայն աշխարհը պատասխանատու է ինքն իր գործողությունների համար․ CBS-ին տված հարցազրույցում ասել է Ուկրաինայի նախագահ Վլադիմիր Զելենսկին։

Ուկրաինայի ղեկավարը նշել է, որ հասկանում է երկրների ղեկավարների մտավախությունն ու վախը, որ համաշխարհային պատերազմ կարող է սկսվել։

«Եվ ես չեմ կարող ամեն օր ճնշում գործադրել նրանց վրա, նրանց երկրների ժողովուրդների վրա։ Որովհետև բոլորը վախենում են պատերազմից։ Բայց արդյո՞ք աշխարհը պատասխանատու է: Կարծում եմ, որ այդպես է: Ինչո՞ւ։ Ես պատասխանեցի. ամեն օր կանգնեք հայելու առջև և հարցրեք՝ կարո՞ղ էիք ինչ-որ բան անել, թե՞ ոչ: Այնտեղ՝ հայելու մեջ, կգտնեք այս հարցերի պատասխանը և այն, թե ով եք դուք»,- ասել է Զելենսկին։