ՄԱԿ-ի գլխավոր քարտուղարը Պուտինի մասին Բայդենի խոսքերից հետո հորդորել է խուսափել նման հռետորաբանությունից

ՄԱԿ-ի գլխավոր քարտուղար Անտոնիո Գուտերեշը կոչ է արել խուսափել Ուկրաինայի շուրջ գործողություններից և հռետորաբանությունից, որոնք հանգեցնում են էսկալացիայի:

Այսպես` երբ խնդրել են մեկնաբանել ԱՄՆ նախագահ Ջո Բայդենի հայտարարությունները Ռուսաստանի նախագահ Վլադիմիր Պուտինի մասին, Գուտերեշն ասել է. «Կարծում եմ, որ մեզ պետք է ապաէսկալացիա` ռազմական ապաէսկալացիա և ապաէսկալացիա հռետորաբանության մեջ»։

Մարտի 26-ին Բայդենը հերթական անգամ վիրավորանքներ էր հնչեցրել Պուտինի հասցեին և նրան անվանել «մսագործ»։ Բայդենն ավելի վաղ Պուտինին անվանել էր «ռազմական հանցագործ», ինչպես նաև «մահացու բռնապետ և ավազակ»:

ՌԴ ԱԳՆ-ն բողոքի նոտա է հանձնել ԱՄՆ դեսպան Ջոն Սալիվանին, որում ասվում է, որ «ԱՄՆ նախագահի  այդ  հայտարարությունները, որոնք հարիր չեն նման բարձրաստիճան պետական գործչին, ռուս-ամերիկյան հարաբերությունները խզման եզրին են կանգնեցնում»։