Ռուսաստանը խոցել է ուկրաինացի զինվորականների ռադիոհետախուզության գլխավոր կենտրոնը

Ռուսական բանակը ճշգրիտ հարվածով խոցել է Ուկրաինայի zինված ուժերի ռադիոհետախուզության գլխավոր կենտրոնը. ճեպազրույցում հայտնել է ՊՆ պաշտոնական ներկայացուցիչ, գեներալ-մայոր Իգոր Կոնաշենկովը։

«Մարտի 12-ի առավոտյան հեռահար գերճշգրիտ զենքը հարվածել է ուկրաինական ռազմական ենթակառուցվածքի օբյեկտներին։ Վասիլկովի ռազմական օդանավակայանը և Բրովարիում Ուկրաինայի զինված ուժերի ռադիոյի և էլեկտրոնային հետախուզության գլխավոր կենտրոնը շարքից դուրս են եկել»,- ասել է նա:

Օրվա ընթացքում օդատիեզերական ուժերի ավիացիան և հակաօդային պաշտպանությունը օդում խոցել են հինգ անօդաչու թռչող սարքեր, որոնցից երկուսը` Bayraktar TB-2 և մեկ «Տոչկա-Ու»:

Ընդհանուր առմամբ, հատուկ գործողության ընթացքում զինված ուժերը շարքից հանել են ուկրաինական ռազմական ենթակառուցվածքի 3491 օբյեկտ։ Ոչնչացվել է 123 անօդաչու թռչող սարք, 1127 տանկ և այլ զրահատեխնիկա, 115 բազմակի հրթիռային կայանք, 423 դաշտային հրետանի և ականանետ, 934 հատուկ մեքենա։