Կանադան ռազմական տեխնիկա կուղարկի Ուկրաինա. Թրյուդո

Կանադան պատրաստ է Ուկրաինային ռազմական տեխնիկա տրամադրել զավթիչների դեմ պայքարելու համար։ Այս մասին Twitter-ում հայտնել է Կանադայի վարչապետ Ջասթին Թրյուդոն Ուկրաինայի նախագահ Վլադիմիր Զելենսկիի հետ զրույցից հետո։

«Ես հենց նոր խոսեցի նախագահ Զելենսկիի հետ: Ես ասացի նրան, որ Կանադան Ուկրաինա կուղարկի բարձր մասնագիտացված ռազմական տեխնիկայի ևս մեկ խմբաքանակ: Մենք նաև քննարկել ենք Ռուսաստանի դեմ պատժամիջոցները և Ուկրաինային մարդասիրական օգնությունը»,- ասել է նա:

Թրյուդոն հավելել է, որ Ուկրաինայի նախագահին հրավիրել է ելույթ ունենալու Կանադայի խորհրդարանում։

«Կանադացիները ոգեշնչվել են ուկրաինացիների քաջությամբ ու տոկունությամբ և նախագահի ցուցաբերած առաջնորդությամբ, և ես գիտեմ, որ նրանք ցանկանում են ուղիղ խոսքեր լսել նրանից»,- ասել է նա։