Լեհաստանը պետք է ինքը կործանիչները հանձնի Ուկրաինային. Պենտագոն

Լեհական ինքնաթիռներն Ուկրաինա տեղափոխելու որոշումը, ի վերջո, մնում է Լեհաստանի կառավարությանը․ ասվում է Պենտագոնի հայտարարության մեջ։

ԱՄՆ պաշտպանության նախարարության խոսակ Ջոն Քիրբին նաև հայտնել է, որ ՆԱՏՕ-ի բոլոր անդամներին խորապես անհանգստնում է այդ կործանիչների՝ Գերմանիայի բազաներից դուրս գալու և այն օդային տարածքը հատելու հեռանկարը, որտեղ Ռուսաստանը կռվում է Ուկրաինայի դեմ։

Պենտագոնը հայտնել է, որ կշարունակի խորհրդակցել Լեհաստանի և ՆԱՏՕ-ի այլ դաշնակիցների հետ այս և լոգիստիկ բարդ հարցերի շուրջ: «Սակայն մենք ողջամիտ չենք համարում Լեհաստանի առաջարկը»,- եզրափակել է Քիրբին։

Հիշեցնենք, որ Լեհաստանը հերքել էր, որ ռուսական արտադրության ինքնաթիռները պատրաստվում է փոխանցել Ուկրաինային, բայց հայտարարել էր, որ դրանք կփոխանցի ԱՄՆ-ին, որի դիմաց ԱՄՆ-ն իրեն կտրամադրի ամերիկյան արտադրության կործանիչներ: