2018 թվականից ՀՀ-ում հաստատվել է կոյուղային ժողովրդավարություն․ Ասպրամ Կրպեյան

Երբևէ չէի մտածի, որ ստիպված կլինեմ ԵՄ երևանյան գրասենյակի առջև մասնակցելու ժողովրդավարական արժեքների և ժողովրդավարության պաշտպանության համար կազմակերպված բողոք հավաքին։ Ինքս լինելով ժողովրդավարական արժեքների ջատագով, իմ փորձառությամբ՝ այդ արժեքների նաև կրող՝ երբևէ չէի մտածի, որ պետք է պարտադրված լինեմ հորդորելու ԵՄ դեսպանին՝ իր գործառույթները պատշաճ կատարել, լինել իր իսկ ներկայացրած կառույցի դավանած արժեքների պաշտպանը։ Այս մասին ԵՄ ներկայացուցչության մոտ հավաք-ակցիայի ժամանակ ասաց «Հայաստան» խմբակցության պատգամավոր Ասպրամ Կրպեյանը։

«Ցավոք, այս իրականությունն ունենք։ Մենք 2018 թվականից ականատես եղանք ժողովրդավարական արժեքների և ժողովրդավարության ոտնահարման բռնի գործընթացի․․․ Սա ես անվանում եմ կոյուղային ժողովրդավարություն»,-ասաց նա։