Վրաստանի ածխահանքում պայթյուն է որոտացել, կան զոհ և վիրավորներ

Վրաստանի Տկիբուլի (Իմերեթի շրջան) ածխահանքում տեղի ունեցած պայթյունի հետևանքով առնվազն մեկ մարդ է զոհվել, ութը՝ վիրավորվել։ Այս մասին հայտնում է վրացական «Ռուսթավի-2» հեռուստաալիքը։

«Տեղեկություն ենք ստացել, որ տեղի է ունեցել դժբախտ պատահար, ինչի հետևանքով ինը մարդ վիրավորվել է։ Մեկ հոգու վնասվածքները շատ ծանր են եղել, և նա մահացել է մեր աչքի առաջ։ Հանքափորները տուժել են պայթյունից»,- հեռուստաալիքը մեջբերում է Տկիբուլի քաղաքի քաղաքապետ Դավիթ Չերքեզիշվիլիին:

Բոլոր տուժածներին արդեն տեղափոխել են Թբիլիսի։ Նրանք ունեն տարբեր ծանրության այրվածքներ:

Ողբերգության պատճառները կպարզի հետաքննությունը։