Ադրբեջանցի սահմանապահը սպանել է երեք ծառայակցի. նրան գտել են Քաշաթաղի շրջանում

Ադրբեջանի սահմանապահ ծառայության սերժանտը կրակ է բացել ծառայակիցների վրա, ինչի հետևանքով երեք մարդ է սպանվել։ Այս մասին կիրակի հայտնել է Ադրբեջանի պետական սահմանային ծառայությունն իր կայքում։

«2022 թվականի հունվարի 2-ին՝ ժամը 18:00-ի սահմաններում, Պետական սահմանապահ ծառայության, այսպես կոչված, «Գուբադլի» հատուկ սահմանապահ ստորաբաժանման տարածքում սերժանտ Ավազլի Էլխան Մուհամմադ օղլուն անհայտ պատճառներով կրակ է բացել ծառայողական զենքից և սպանել երեք զինծառայողի։ Դրանից հետո կրակողը վայր է նետել զենքն ու դեպքի վայրից դիմել փախուստի»,- հայտնում է կայքը:

Նշված զինծառայողին գտել և ձերբակալել են Արցախից օկուպացված Քաշաթաղի շրջանում: