Իսրայելի ռազմաօդային ուժերը հարձակվել են սիրիական օբյեկտների վրա՝ ռուսական ավիաբազայի մոտ

Իսրայելական ավիացիան հարվածներ է հասցրել Լաթաքիայում գտնվող սիրիական օբյեկտներին, որոնց մոտ գտնվում է ռուսական «Հմեյմիմ» ավիաբազան։ Այս մասին հայտնում է Սիրիայի պետական հեռուստատեսությունը։ 

Աղբյուրի հաղորդմամբ՝ միջադեպը տեղի է ունեցել երեկ երեկոյան։ «Հակառակորդը Միջերկրական ծովից Լաթաքիայի արևմուտքին հասցրել է ավիահրթիռային հարձակում՝ թիրախավորելով Լաթաքիայի առևտրային նավահանգստում գտնվող բեռնարկղերի հրապարակը», - ասվում է հեռուստաալիքի հաղորդագրության մեջ։

Նշվում է, որ տեղում հրդեհ է բռնկվել, որի հետևանքով զգալի նյութական վնաս է հասցվել։ Հարձակումը հետ մղելու համար զինվորականները կիրառել են սիրիական հակաօդային պաշտպանության համակարգեր:

Իսրայելը պարբերաբար հարվածներ է հասցնում Սիրիայում գտնվող ռազմական և ենթակառուցվածքային օբյեկտներին։