Ինչքան էլ ճնշեն ՍԴ-ին, եթե մի բանը սև է, ՍԴ-ն ասելու է սև է. Արամ Վարդևանյան

ՍԴ որոշման երկրորդ մասը վերաբերում էր այն հարցին, թե երբ մարդ պատգամավոր է դառնում, արդյո՞ք հնարավոր է պատգամավորի նկատմամբ քրեական հետապնդումը շարունակել: Այսպես ասեմ՝ մեր գործընկերները կալանավորված էին X կամ Y հիմքերով, բացառապես նոր հիմքի պայմաններում կարող է նոր կալանավորման հարց առաջանալ: Այս մասին լրագրողների հետ ճեպազրույցում ասաց «Հայաստան» խմբակցության պատգամավոր Արամ Վարդևանյանը:

«Ցանկացած միջնորդություն, որ դատախազությունը բերի Աժ, բավարարվելու է, որովհետև դուք տեսնում եք  դատախազության և իշխանական պատգամավորների կապը, դրա համար գոնե մեկ իշխանական պատգամավոր կարող էր ասել՝ ես կարդացել եմ Սահմանադրությունը, այս ի՞նչ է կատարվում։ Բայց դա չի եղել: Ամեն դեպքում՝ հաշվի առեք, որ գոյություն ունի քրեական դատավարության օրենսգիրք, որը սահմանափակում է ցանկություններ, իղձեր և հնարավորություններ»,- ասաց նա: