Թուրքիայում երրորդ օրն անընդմեջ հակաիշխանական ցույցեր են

Երրորդ օրն անընդմեջ երեկոյան բողոքի ցույցեր են տեղի ունենում Թուրքիայի քաղաքներում։ Այս անգամ բողոքի ակցիան համընկնում է Կանանց նկատմամբ բռնության վերացման միջազգային օրվա հետ։ Ցուցարարները պահանջում են Թուրքիայում վերականգնել Ստամբուլի կոնվենցիան եւ վերջ տալ «համակարգային հոմոֆոբիային»։ Իսթիքլալ փողոցում ոստիկանությունն արցունքաբեր գազ է կիրառել։

Հիշեցնենք, որ վեց ամիս առաջ Էրդողանը հրամանագիր էր ստորագրել Ստամբուլի կոնվենցիայից Թուրքիայի դուրս գալու մասին։ Թուրքիայի պահպանողական հատվածը կարծում է, որ կոնվենցիան նպաստում է ԼԳԲՏ համայնքի քարոզչությանը: Ընդդիմությունը պնդում է, որ կոնվենցիան պաշտպանում է կանանց և գենդերային փոքրամասնություններին ընտանեկան բռնությունից, և խոստանում է այն հետ բերել իշխանության գալուց հետո։