28 տարի առաջ այսօր ազատագրվեց Միջնավանը, իսկ այսօր թշնամին այնտեղ ճանապարհ ու երկաթգիծ է կառուցում

1993 թ. հոկտեմբերի 28-ին թշնամուց ազատագրվեց Արցախի Կովսականի շրջանի հարավային Միջնավան քաղաքը (Արցախի Հանրապետության Քաշաթաղի շրջան):

1993 թ. հոկտեմբերից սկսվել էր Կովսականի և Քաշունիքի ազատագրման գործողությունները՝ Հադրութի (Արթուր Աղաբեկյան), Մարտունու (Մովսես Հակոբյան) Շուշիի (Վաչագան Իշխանյան) պաշտպանական շրջանների և Մանվել Գրիգորյանի ղեկավարած 5-րդ մոտոհրաձգային բրիգադի, «Սիսական», «Արաբո», «Սև հովազ» ջոկատների գլխավորությամբ։

Արաքսի հովտին գտնվող քաղաքի ազատագրումից 27 տարի անց, ցավոք, Միջնավանը դարձյալ հայտնվեց թշնամու տիրապետության տակ: Այսօր արդեն թշնամին այնտեղ կառուցում է երկաթգիծ ու ավտոմայրուղի, որով թշնամին նախատեսում է հասնել Նախիջևան` Սյունիքի միջով` ստեղծելով իրենց համար բաղձալի «Զանգեզուրի միջանցքը»: