Պետք է խնդիր բարձրացվի՝ քննարկելու համար, որ նոյեմբերի 9-ի հրամանագիրը իրավական ուժ չունի․Գևորգ Դանիելյան

Եթե մենք ուզում ենք մի շարք խնդիրներ լուծել, այդ թվում՝ սահմանազատման և ահմանագծման, այդ հարցերը պետք է լուծվեն միայն այն բանից հետո, երբ կհստակեցվի Արցախի Հանրապետության կարգավիճակը, եթե՝ ոչ, հակամարտության հետ կապված որևէ հարց չի կարող լուծվել։ Այս մասին  «Հայաստան» դաշինքի նախաձեռնած «Հայաստանին և Արցախին սպառնացող վտանգներն ու դրանց հաղթահարման ուղիները» թեմայով կլոր սեղան-քննարկման ժամանակ ասաց սահմանադրագետ Գևորգ Դանիելյանը։

«Կան իրավական ակտեր, այդ թվում՝ միջազգային, որոնք մենք ընդունում ենք որպես իրողություն ու անցնում առաջ, այդպես ճիշտ չէ, պետք է խնդիր բարձրացվի՝ քննարկելու համար, որ նոյեմբերի 9-ի հրամանագիրը իրավական ուժ չունի։ Մենք պետք  է դիմենք բոլոր այն միջազգային կառույցներին, պետություններին, որոնք շահագրգռված են և ակտիվ մասնակցություն  ունեն՝ պարզաբանում տալու համար, որ խախտվել է մեր Սահմանադրությունը՝ 116-րդ հոդվածի երկրորդ մասի համաձայն»,- ասաց Դանիելյանը։

Սահմանադրագետի խոսքով՝ տարածքային աբողջականության  սպառնալիքի տակ որևէ պայմանգիր ստորագրելը ինքնին անվավեր պայմանագիր է։

Մանրամասն՝ տեսանյութում։