Սիրիան Թուրքիայից պահանջել է անհապաղ դուրս բերել իր զորքերը

Թուրքիան պետք է անհապաղ դուրս բերի իր զորքերը Սիրիայի հյուսիսային տարածքներից: Այս մասին հայտարարել է երկրի արտաքին գործերի նախարար Ֆեյսալ Միքդադը. հայտնում է «ՌԻԱ Նովոստի»-ն:

Դիվանագետը Թուրքիայից պահանջել է դադարեցնել Սիրիայի հյուսիսի օկուպացիան: Նրա կարծիքով՝ երկրում հակամարտության սրման շարունակման հիմնական պատճառներից մեկը Անկարայի կողմից ահաբեկչական ուժերին աջակցությունն է:

«Միջազգային հանրությունն իր հերթին պետք է աջակցի Սիրիայի ջանքերին՝ ուղղված երկրի հյուսիսում Թուրքիայի օկուպացրած տարածքների ազատագրմանը»,- եզրափակել է ԱԳ նախարարը:

Նշենք, որ հայտարարությունը հաջորդել է Բաշար Ասադի՝ Մոսկվա կատարած այցին և Վլադիմիր Պուտինի հետ հանդիպմանը։