Օլաֆ Շոլցը Գերմանիայի կանցլերի պաշտոնի ամենահավանական թեկնածուն է

Գերմանիայի Դաշնային Հանրապետության կանցլերի սոցիալ-դեմոկրատ թեկնածու, ֆինանսների նախարար Օլաֆ Շոլցը հաղթել է վերջին՝ երրորդ հեռուստաբանավեճում՝ ըստ Forsa հետազոտական ինստիտուտի անցկացրած հարցման:

Նախընտրական հեռուստաբանավեճերի վերջին՝ երրորդ փուլը տեղի է ունեցել կիրակի երեկոյան՝ Pro7 և Sat1 հեռուստաալիքներով:

Այս ընտրություններում կանցլերի պաշտոնի համար կպայքարեն երեք թեկնածու՝ Անգելա Մերկելի Քրիստոնեա-դեմոկրատական միության (ՔԴՄ) ներկայացուցիչ Արմին Լաշեթը, Գերմանիայի սոցիալ-դեմոկրատական կուսակցության քաղաքական գործիչ Օլաֆ Շոլցը և Կանաչների թեկնածու Աննալենա Բերբոկը:

Շոլցի ելույթը համոզիչ է համարել դիտողների 42%-ը, Արմին Լաշեթին՝ 27%, Բերբոկին՝ 25%: