Մեր հիմքը Արցախն է, այսօր մեր հիմքը, արմատը ուզում են չորացնել. Արթուր Խաչատրյան

Երկու տարի առաջ այս օրը ձեր ղեկավարն ասաց Արցախը Հայաստան է և վերջ, երկու տարի անց հայրենիքի այն մասը, որը մենք կոչեցինք Հայաստան, այլևս Հայաստան չէ, մի՞ թե դա պատճառ չէ լրջանալու և թույլ չտալու, որ այնտեղի մարդիկ լքեն և գնան երկիրը: Այս մասին իր ելույթում ասաց «Հայաստան» խմբակցության պատգամավոր Արթուր Խաչատրյանը:

«Եթե մենք ընդունում ենք, որ Արցախը այսօր ապրում է իր պատմության ամենածանր օրերը, եթե ընդունում ենք, որ Արցախը ՀՀ հիմքն է, եթե մենք ընդունում ենք, որ այս խորհրդարանը ունի այս երկրում անելիք, ինչու չենք ընդունում, որ պետք է լինի Արցախի հարցերով մշտական հանձնաժողով:

Հիմա մենք չենք ուզում վերջապես խորհրդարանական վերահսկողություն իրականացնել և հասկանալ Արցախը Ադրբեջանի մաս է, թե չէ նոյեմբերի 9-ի ստորագրության արդյունքում»: