Վրաստանում տուգանք կսահմանվի ԵՄ դրոշը վնասելու համար

Վրաստանում տուգանք կսահմանվի Եվրամիության դրոշը վնասելու համար, որոնք կախված են պետական կառույցների, միջազգային կազմակերպությունների և այն երկրների շենքերի մոտ, որոնց հետ Վրաստանը դիվանագիտական հարաբերություններ ունի:

Համապատասխան օրենսդրական փոփոխություններն արդեն պատրաստվել են, և այսօր դրանք ընդդիմության խմբակցությունների ղեկավարներին է ներկայացրել խորհրդարանի նախագահ Կախա Կուչավան:

Օրինագծի նախնական վարկածի համաձայն` դրոշը վնասելու համար կսահմանվի 1000 լարի տուգանք: Եթե այդ գործողությունը կրկնում է նույն անձը, դատավորն իր հայեցողությամբ կարող է կիրառել վարչական կալանքը:

Հիշեցնենք, որ հուլիսի 5-ին ԼԳԲՏ երթին ընդդիմացող քաղաքացիների բողոքի ակցիայի ժամանակ ԵՄ դրոշը հանվել և պատառոտվել էր ազգայնական քաղաքացիների կողմից։