Ալիևը հայտարարել է, որ «տարածաշրջանում բոլոր հաղորդակցությունները պետք է զուգահեռաբար բացվեն»

Հարավային Կովկասում բոլոր հաղորդակցությունների միաժամանակ բացումը հետհակամարտային կարգավորման փուլի շատ կարևոր պահ է, սա ընդգծված է նոյեմբերի 10-ի հայտարարության մեջ, և այդ առումով չպետք է խտրականություն լինի. նմանատիպ հայտարարություն է արել Ադրբեջանի նախագահ Իլհամ Ալիևը Եվրոպական խորհրդի նախագահ Շառլ Միշելի հետ Բաքվում համատեղ մամուլի ասուլիսում։

Ըստ ադրբեջանական պետության ղեկավարի՝ «տարածաշրջանում բոլոր հաղորդակցությունները պետք է զուգահեռաբար բացվեն: Սա Հայաստանին հնարավորություն կտա  երկաթուղային կապ հաստատելու Ռուսաստանի և Իրանի հետ, իսկ Ադրբեջանի համար լրացուցիչ երթուղի կլինի դեպի Նախիջևանի Ինքնավար Հանրապետություն»:

«Ադրբեջանը, Իրանը, Ռուսաստանը և Թուրքիան սատարում են այս մոտեցմանը: Հայաստանի դրական արձագանքի կարիքը կա... Դրանից հետո տարածաշրջանում կայունությունն ու անվտանգությունն իրականություն կդառնան, և սա է մեր ուզածը»,- ասել է Իլհամ Ալիևը: