Լավրովը ՄԱԿ-ի գերագույն հանձնակատարի հետ քննարկել է «փախստականների վերադարձը Արցախ»

Ռուսաստանի արտգործնախարար Սերգեյ Լավրովը երկուշաբթիը հանդիպել է ՄԱԿ-ի փախստականների հարցերով գերագույն հանձնակատար Ֆիլիպո Գրանդիի հետ։ Կողմերը քննարկել են փախստականների վերադարձը Լեռնային Ղարաբաղ. հայտնում է ՏԱՍՍ–ը։

«Զրույցի ընթացքում մտքերի մանրակրկիտ փոխանակություն է տեղի ունեցել աշխարհում փախստականների, ներքին տեղահանված և քաղաքացիություն չունեցող անձանց իրավիճակի վերաբերյալ, այդ թվում` հաշվի առնելով COVID-19 համաճարակը, ինչպես նաև ՄԱԿ-ի փախստականների հարցերով գերագույն հանձնակատարի (ՄԱԿ ՓԳՀ) փոխգործակցության տարբեր ասպեկտնեըր մեր երկրի հետ։

Քննարկվել են Լեռնային Ղարաբաղ և հարակից շրջաններ փախստականների ու ժամանակավոր տեղահանվածների վերադարձի խնդիրները՝ Ռուսաստանի, Ադրբեջանի և Հայաստանի ղեկավարների՝ 2020 թ. նոյեմբերի 9-ի` հրադադարի և հակամարտության գոտու մասին հայտարարության համաձայն»,- ասվում է Ռուսաստանի Դաշնության արտաքին գործերի նախարարության հաղորդագրության մեջ: