Տարածաշրջանային այցի շրջանակում այսօր Հայաստան են այցելելու Ռումինիայի, Լիտվայի եւ Ավստրիայի արտգործնախարարները

Տարածաշրջանային այցի շրջանակում հունիսի 25-ին Երեւան են գալիս Ռումինիայի, Լիտվայի եւ Ավստրիայի արտգործնախարարները, եվրոպացի բարձրաստիճան այլ պաշտոնյաներ:

Նրանք արդեն եղել են Բաքվում, հանդիպել Ադրբեջանի նախագահի հետ:

Իլհամ Ալիեւն ասել է, թե հույս ունի, որ հիմա, երբ Հայաստանում ընտրություններն ավարտվել են, Երեւանից դրական պատասխան կստանան հաշտության պայմանագրի շուրջ բանակցություններ սկսելու վերաբերյալ:

Նշենք, որ Եվրոպացի պաշտոնյաները հունիսի 26-ին կայցելեն Թբիլիսի, որտեղ էլ կամփոփեն այցի արդյունքները: Նրանց այս այցը լիազորված է Եվրամիության արտաքին գործերի եւ անվտանգության քաղաքականության հարցերով բարձր ներկայացուցիչ Ժոզեպ Բորելի կողմից եւ նպատակ ունի վերահաստատելու տարածաշրջանում կայունության հաստատումը խթանելու Եվրամիության պատրաստակամությունը: