Վերսկսվում են թռիչքները Ռուսաստանի և Թուրքիայի միջև

Ռուսաստանցի զբոսաշրջիկներով առաջին ինքնաթիռը Անթալիա է ժամանել Թուրքիայի հետ թռիչքների վերսկսման լուրից հետո. հաղորդում է ՌԻԱ «Նովոստի»-ն:

Ռուսների շրջանում հայտնի առողջարանային քաղաքի օդանավակայանի տվյալներով՝ առաջին ինքնաթիռով Մոսկվայից 132 ուղևոր է ժամանել: Միևնույն ժամանակ, օրվա ընթացքում, ընդհանուր առմամբ, սպասվում է 44 թռիչք Ռուսաստանի 17 քաղաքներից, այդ թվում՝ Կազան, Սամարա, Եկատերինբուրգ, Սանկտ Պետերբուրգ և Դոնի Ռոստով:

Անթալիայի քաղաքային խորհրդի զբոսաշրջության հարցերով աշխատանքային խմբի ղեկավար Ռեջեփ Յավուզի խոսքով՝ երեքշաբթի՝ հունիսի 22-ին, մոտ տասը հազար ռուսաստանցիներ պետք է ժամանեն առողջարան, իսկ հաջորդ օրերին այդ ցուցանիշը կաճի մինչև 20-25 հազար:  Ընդհանուր առմամբ, հունիսից հոկտեմբեր ամիսներին Ռուսաստանից չորս միլիոն ճանապարհորդ կարող է ժամանել Անթալիա: