Սպիտակ տունը չի բացառում Բելառուսի դեմ պատժամիջոցների կիրառումը

ԱՄՆ նախագահ Ջո Բայդենը և ազգային անվտանգության հարցերով խորհրդական Ջեյք Սալիվանը դատապարտել են Բելառուսում ուղևորատար ինքնաթիռի պարտադրված վայրէջքի և ընդդիմադիր լրագրողի կալանքի հետ կապված միջադեպը:

Սպիտակ տունը հասկացրել է, որ, սկանդալի ֆոնին, Մինսկը պետք է պատրաստվի նոր պատժամիջոցների:

ԱՄՆ նախագահը դատապարտել է Ryanair-ի ինքնաթիռի հարկադիր վայրէջքը, որի մեջ էր բելառուս ընդդիմադիրը, և խոստացել քայլեր ձեռնարկել միջադեպի մասնակիցներին պատասխանատվության ենթարկելու համար:

«Ryanair-ի չվերթի ընթացքի բռնի փոփոխությունը, որը թռչում էր ԵՄ անդամ երկու երկրների միջև, և դրան հաջորդած բելառուս լրագրող Ռոման Պրոտասևիչի կալանավորումը միջազգային նորմերի ուղղակի խախտում է», – ընդգծել է Սպիտակ տան ղեկավարը:

Բայդենը նշել է, որ միջադեպն ու լրագրողի ձերբակալման կադրերը «ամոթալի հարձակում են քաղաքական հակառակորդների և մամուլի ազատության դեմ»:

ԱՄՆ նախագահը կոչ է արել միջազգային հետաքննություն անցկացնել` միջադեպի ամբողջական պատկերը պարզելու համար:

Բայդենը նույնպես ողջունել է ԵՄ առաջնորդների որոշումը տնտեսական պատժամիջոցների և միջադեպի կապակցությամբ Բելառուսի դեմ ձեռնարկված այլ միջոցառումներ վերաբերյալ: