Իրանը կոչ է անում Հայաստանին և Ադրբեջանին` հարգել պետական սահմանները

Իրանի արտգործնախարարության խոսնակ Սայիդ Խաթիբզադեն մեկնաբանել է իրավիճակը Սյունիքում։

«Իրանի Իսլամական Հանրապետությունը ուշադիր հետևում է երկու հարևան երկրների՝ Հայաստանի Հանրապետության և Ադրբեջանի Հանրապետության սահմաններին տեղի ունեցած վերջին իրադարձություններին և հույս ունի, որ վեճը հնարավորինս շուտ կլուծվի  խաղաղ միջոցներով:

Իրանի Իսլամական Հանրապետությունը, շեշտելով տարածաշրջանում կայունության և խաղաղության պահպանման անհրաժեշտությունը, կողմերին կոչ է անում զսպվածություն ցուցաբերել և խուսափել տարաձայնություններ հրահրելուց ու հարգել երկու երկրների սահմանները», - նշել է նա։

Խաթիբզադեն ընդգծել է Իրանի պատրաստակամությունը` օգնել լուծել երկու երկրների միջև վեճերը, ներառյալ` վերջին տարաձայնությունները: