ՏԵՍԱՆՅՈՒԹ․ Շուշիի մայր տաճարի գմբեթի ապամոնտաժման հարցով Վլադիմիր Վարդանյանը դիմելու է միջազգային կառույցներին

Շուշիի մայր տաճարի գմբեթի՝ ադրբեջանցիների կողմից ապամոնտաժելու փաստին ԱԺ նիստում անդրադարձավ իշխող խմբակցության պատգամավոր, ԱԺ պետաիրավական հարցերի հանձնաժողովի նախագահ Վլադիմիր Վարդանյանը՝ հայտնում է Yerkir.am-ը։

«Շինարարական եւ «վերանորոգման» աշխատանքների ժամանակ քանդել են մայր տաճարի գմբեթը եւ վերադարձրել 1992թ․-ի վիճակին։ Գմբեթը դեռեւս 19-րդ դարի վերջին ունեցել է այն տեսքը, որն ուներ մինչեւ այն քանդելը»,-ասաց նա։

Վլադիմիր Վարդանյանի համոզմամբ՝ սա արվում է այն պատճառով, որ վերացնեն հայկական ինքնության հետքերը, ընդգծեն հայատյաց վերաբերմունքը, վերացնեն հայկական ճարտարապետական դոմինանտությունը, ընդգծեն, որ Ադրբեջանը չի հանդուրժի որեւէ էթնիկ հայի ներկայությունն այդ տարածաշրջանում։

Պատգամավորը նշեց, որ դիմելու է համապատասխան միջազգային կառույցներին, նաև օրինագիծ է մշակելու։

Մանրամասն՝ տեսանյութում․