Էրդողանը հայտարարել է Թուրքիայում ամբողջական լոքդաունի մասին

Ապրիլի 29-ից մայիսի 17-ը կորոնավիրուսի համաճարակի բռնկման պատճառով Թուրքիայում մտցվում է ամբողջական լոքդաուն. ըստ Anadolu-ի՝ հայտարարել է երկրի նախագահ Ռեջեփ Թայիփ Էրդողանը:

«Այսօր մենք Նախարարների կաբինետի նիստում գնահատել ենք համաճարակի հետ կապված վերջին իրադարձությունները: Որպեսզի Ռամադանից հետո իրավիճակը բարելավվի, հիվանդացության ցուցանիշները պետք է շատ ավելի ցածր լինեն: Մենք պետք է օրեցօր վարակակիրների թվի նվազեցումը հասցնենք 5 հազարի»,- նշել է Էրդողանը:

Թուրքիան ապրիլի 29-ից մայիսի 17-ը

• սահմանափակում է միջքաղաքային ճանապարհորդությունը. նահանգների միջև տեղաշարժվելու թույլտվություն կպահանջվի,
• դպրոցներում լրիվ դրույքով ուսումը դադարեցված է, մանկապարտեզները փակ են,
• հասարակական տրանսպորտի զբաղվածության մակարդակը չի կարող գերազանցել 50% -ը,
• հաստատությունների մեծ մասը փակ է, բացառությամբ ՆԳՆ-ի հատուկ ցուցակում նշվածների։

Սահմանափակումներն ուժի մեջ են մտնում ապրիլի 29-ի ժամը 19: 00-ից և ավարտվում մայիսի 17-ի ժամը 05:00-ին: