ՏԵՍԱՆՅՈՒԹ․ Կառավարական ամառանոցների մոտից բերման ենթարկեցին Փաշինյանի ճանապարհը փակած ՀՅԴ անդամների

Պռոշյան-Դեմիրճյան խաչմերուկից, որտեղ գտնվում են կառավարական ամառանոցները, ոստիկանները բռնի ուժով բերման են ենթարկել ՀՅԴ մի քանի անդամների՝ հայտնում է Yerkir.am-ը։

Նրանք, այլ քաղաքացիների հետ, բողոքի ակցիայով դիմավորում էին Սյունիքից վերադարձող Նիկոլ Փաշինյանին։

Ոստիկանները հրհրոց և քաշքշուկ սկսեցին՝ քաղաքացիներին հեռացնելով փողոցի երթևեկելի մասից, ապա սկսեցին բերման ենթարկել նրանց։

Այս պահին ՀՅԴ՝ բերման ենթարկված անդամները Ոստիկանության Կենտրոնի, Կոմիտասի և Մալաթիայի բաժանմունքներում են։

Նշենք, որ ՀՅԴ անդամները Փաշինյանին բողոքի ակցիայով դիմավորել են նաև Արտաշատի հատվածում։ Այնտեղից ևս բերման ենթարկվածներ կան։

Մանրամասն՝ տեսանյութում․